Patruşev: ABŞ-da təhsil aldıqdan sonra tələbələr “rəngli inqilabların təşviqatçısı” olurlar

Rusiya Federasiyası Təhlükəsizlik Şurasının katibi Nikolay Patruşev İrəvanda KTMT-dən olan həmkarları ilə görüşündə bildirib ki, ABŞ-a təhsil almağa gedən tələbələr “rəngli inqilabların təşviqatçısı” kimi qayıdırlar.

Onun sözlərinə görə, ABŞ və bir sıra Avropa ölkələri dövlət qulluqçularının hazırlanması üçün qrantlar verir. Vaşinqton həmçinin ən yaxşı tələbələrin və məktəblilərin ABŞ-a qısamüddətli səfərlərini təşviq edir. Oradan isə “qondarma demokratik transformasiyaları həyata keçirməyə və rəngli inqilab ssenarilərinin həyata keçirilməsi üçün zəmin yaratmağa hazır olan təşviqatçılar” geri qayıdırlar.

Mənbənin sözlərinə görə, ABŞ postsovet məkanında yüzə yaxın qeyri-dövlət xəbər agentliyinin yaradılmasına sponsorluq edir.