Ayətullah Seyid Həsən Amili : İsraillə müqavilə bağlamaq Azərbaycan Respublikasına zillətdən başqa heç bir uğur gətirməyəcək

Vəliyyi-fəqihin Ərdəbil əyalətində nümayəndəsi və Ərdəbilin imam cüməsi Ayətullah Seyid Həsən Amili Azərbaycan hökumətinin son siyasi hərəkatlarının ətraflı təhlilini təqdim edərək, deyib: “Bu günlərdə Azərbaycan hökuməti qəsbkar sionist rejim ilə münasibətlərinin inkişafında tam gücünü işə salıb. Bu yaxınlarda israildə səfirliyini açdı və səfir təyin etdi, sionist rejimlə İrana qarşı strateji pakt bağladı, sionist rejimə Azərbaycanda hərbi hava limanı tikməyə icazə verdi, sionist rejim də rəsmi olaraq bəyan etdi ki, biz bundan İrana hücum etmək üçün istifadə edəcəyik.”

Ayətullah Amili xütbəsinin davamında deyib: “Azərbaycan həmçinin İrana qarşı casusluğunu təkmilləşdirmək üçün Mossad-ın Azərbaycanda nümayəndəliyinin olmasına icazə verdi, son günlərdə sionist rejimin xarici işlər nazirini Azərbaycana dəvət etdi və bir aydan sonra Azərbaycanda xərçəng və üfunətli sionist rejimin prezidentini qarşılayacaq. Sionist rejim də elan etdi ki, biz fəxr edirik, müsəlman dövləti olan Azərbaycan İranın müqavimətinə baxmayaraq israildə səfirliyini açdı, biz fəxr edirik ki, Azərbaycanın İrana qarşı bizimlə strateji əməkdaşlığı var, biz fəxr edirik ki, Azərbaycan dünyada israillə dost olan ilk  müsəlman ölkəsidir, biz şadıq ki, İranın qulağının dibində Azərbaycanda özümüzə dayaq tapmışıq.

Sionist rejim bəyan edib ki, Azərbaycana milyardlarla dollarlıq silah satışı israil iqtisadiyyatını tamamilə xilas etdi.

Sionist rejim daha sonra çox təhlükəli bir mövzunu etiraf edərək deyir: Azərbaycan hökuməti bizə Azərbaycanda Mossad-ın nümayəndəliyini yaratmağa və İrandan müşahidə əməliyyatlarımızı tamamlamaq üçün əməkdaşlarımızı orada yerləşdirməyə icazə verib. Həmçinin Azərbaycan bizə Azərbaycanda yaxşı təchiz olunmuş hərbi hava limanı tikməyə icazə verib ki, İranın nüvə obyektlərinə hücumumuzdan sonra İran bizə hücum etsə, biz bu hava limanından İranı bombalayaq.”

Rəhbərlik Ekspertlər Məclisinin üzvü əlavə edib: “Sionist rejim həmçinin açıqlayıb ki, Mossad keçən il İranın nüvə arxivini oğurladı, sonra Azərbaycan hökumətinin əməkdaşlığı ilə Azərbaycana, daha sonra isə Təl-Əvivə ötürdü. İran Azərbaycanın İrana açıq-aşkar xəyanət edən bütün bu hərəkətlərinə qarşıdır və bunu İranla mehriban qonşuluq siyasətinə zidd və açıq düşmənçilik hesab edir.

Bu arada Azərbaycanın bəzi siyasətçiləri İrana qarşı bu qədər addım atdıqlarına çox sevinirlər və deyirlər ki, biz İranı lazımınca sındırdıq. Bu arada kimin sınmağı haqqında bir neçə kəlmə demək istərdim.

Sionist rejimin Birinci Dünya Müharibəsindən sonra yaradıldığı hamıya bəllidir və sübuta ehtiyacı yoxdur. Yəhudilərin ölkəsi yox idi, avropalılar onları Fələstinə gətirdi, İngiltərə hökuməti Balfur bəyannaməsi ilə yəhudi xalqı üçün milli ev təsis etdiyini elan etdi. 75 illik qan tökülməsindən sonra İngiltərə bu yaxınlarda bildirdi ki, biz israili qurmaqla əvvəldən səhv etdik. Buna görə də israil mütləq qəsbkardır. Həmin səbəbdən sionist rejimdə səfirlik açan hər hansı ölkə həm qəsbkara rəsmilik verir, həm də o torpağın sahibinin icazəsi olmadan, səfirlik yaratmaqla özü də qəsbkar olur. Biz nə israili tanıdıq, nə işğalı qəbul etdik, nə də səfirlik açmaqla işğalçı olduq. Siz isə bunu etdiniz. İndi biz sınmışıq, yoxsa siz?”

Həzrət Ayətullah Amili əlavə edib: “Sionist rejim 75 ildir müsəlmanları qətlə yetirir, indiyə kimi minlərlə müsəlman kişi, qadın və uşağı qətlə yetirib, müsəlmanlara qarşı onlarla dəhşətli soyqırımı həyata keçirib. Bütün varlığından qan iyi gələn və müsəlmanların qəddar düşməninə qucaq açmaqla biz sındıq ya siz?

Bu ilin Ramazan ayında Məscidül-Əqsanı öz əsgərləri ilə murdarlayan rejimə qucaq açmaqla siz sındınız ya biz?

Bu həftə sionist rejim özü elan etdi ki, biz İranı uzun müddət hücumla hədələsək də, hücum edə bilmədik, ona görə də biz ancaq hürən, amma hücum edib dişləməyə gücü çatmayan it kimiyik. Özünü it adlandıran rejimə qucaq açmaqla siz sındınız ya biz?

Mütəal Allah buyurur: “Mənim düşmənimi də, öz düşməninizi də dost tutmayın!” Mənim və müsəlmanların düşməni ilə əlaqə yaratmayın, onlarla əhd-peyman bağlamayın, ticarət etməyin, onlardan yardım almayın, onlara arxalanmayın, öz sirlərinizi onlara verməyin. Biz bu ayəyə əməl etdik və Allahın dəvətini qəbul etdik. Siz isə Quran ayəsini ayaq altına atdınız, Allahın və müsəlmanların düşmənlərinə ölkənin başında yer verdiniz. İndi biz sınmışıq ya siz?”

Ərdəbil vilayətinin İctimai Mədəniyyət Şurasının rəhbəri Qurani-Kərimin müsəlmanların kafirlərlə ittifaq və dostluq etmələrini qadağan edən ayələrə istinad edərək deyib: “Allah Təala Qurani-kərimdə iyirmi iki dəfə müsəlmanlara kafirlərlə, müşriklərlə, Allahın və müsəlmanların düşmənləri ilə əhd-peyman bağlamağı, onların hakimiyyəti altına girməyi, onları sirlərinizə məhrəm etməyi, işlərinizin məsuliyyətini onlara tapşırmağı qadağan etmişdir. Peyğəmbərə açıq şəkildə əmr etmişdir:  “Xainlərin müdafiəçisi olma!” Allah Özü müsəlmanların xarici siyasətini 22 ayədə müəyyən etmişdir.

Allahın Rəsulu (s) də buyurmuşdur: “Quran şəfaəti qəbul edilən bir şəfaətçi, Allahın dediyini təsdiq etdiyinə şahiddir. Onu ​​özünə rəhbər edən kəsi, cənnətinə aparar, ona ​​arxa çevirəni, cəhənnəmə aparar.”

İndi bu hədisə əsasən biz sınmışıq, yoxsa siz?”

O, xütbəsinin davamında deyib: “İmam Hüseyn (ə) Yezidə beyət etmədi, zəlil oldu, yoxsa əziz? Şərəfli oldu, yoxsa xəcalətli?

İmam Hüseyn deyir ki, mən Yezidlə və Yezidi kimisi ilə beyət etmərəm. Cənab Mütəhhərinin təbirincə desək, dövrümüzün yezidi qaniçən və qana susamış israildir. Biz İmam Hüseynin (ə) yolunu seçdik və bu rejimə beyət etmədik. Siz isə zamanın yezidi ilə təkcə beyət deyil, həm də onu öz sahibiniz kimi qəbul etdiniz və ölkənizə dəvət etdiniz. İndi biz sınmışıq yoxsa siz?”

Ayətullah Amili sionist rejimin müsəlmanlar arasında ən mənfur rejim olduğuna, hətta İslam ölkələrində müsəlman olan hər kəsin bu rejimi lənətləməsinə toxunaraq deyib: “Qətərdə keçirilən Dünya Çempionatında bu məsələyə tam aydınlığı ilə özünü göstərdi. Müsəlman gənclər sionist rejim jurnalistlərini tam nifrətlə rədd etdilər. İş o yerə çatdı ki, sionist rejimin səsi çıxdı. Bu mənfur rejimə qucaq açan siz bütün müsəlman xalqların nifrətini özünüzə çevirdiniz. İndi biz sınmışıq ya siz?”

Ərdəbil imam cüməsi əlavə edib: “israil bəyan etdi ki, Azərbaycana bizdən silah aldığı və bizi neftlə təmin etdiyinə görə təşəkkür edirik. Allahın Rəsulu (s) buyurdu: “Beytül-Müqəddəsə gedin və orada namaz qılın. Əgər gedə bilmirsinizsə, Məscidül-Əqsanın çıraqları üçün yanacaq verin və göndərin ki, onun çıraqları sönməsin.” Sionist rejimin etirafına görə, siz Məscidül-Əqsanın çıraqları əvəzinə, Məscidül-Əqsanı işğal edənlərin çıraqları üçün yanacaq vermisiniz. Allahın Rəsulunun (s) göstərişlərinə etinasızlıq etdiniz və onun ziddinə əməl etdiniz. Ona görə də sionist rejim sizə minnətdarlıq edir. İndi siz sınmısınız ya biz?”

İmam cümə İran və Səudiyyə Ərəbistanı arasında son razılaşmadan sonra sionist rejimin məyus olduğuna diqqət çəkərək deyib: “İran və Səudiyyə Ərəbistanı arasında razılaşmadan sonra israil Səudiyyə Ərəbistanı ilə münasibətləri normallaşdırmağa olan böyük ümidini itirdi. İndi də bunun əvəzini çıxmaq üçün İranı türk dövlətləri ilə mühasirəyə almaq istəyir. Ona görə də xarici işlər nazirini Azərbaycana və Türkmənistana göndərdi və Aşqabadın İrandan 27 kilometr aralıda olmasından sevindiyini bildirdi. Bu o deməkdir ki, biz asanlıqla İrana qarşı casusluq edə bilərik və İranın təhlükəsizlik vəziyyətini poza bilərik.”

Sonda imam cümə Azərbaycan hökuməti tərəfindən nəzərə alınmalı olan bir məqamı vurğulayaraq deyib: “İndi ki, Azərbaycan israillə İrana qarşı strateji əməkdaşlıq etmək və israilə hərbi hava limanı vermək qərarına gəlib, bir məsələyə diqqət yetirməsi vacibdir: Əgər bütün Azərbaycan israil üçün hava limanına çevrilsə, əgər bütün Azərbaycan israilin hərbi bazasına çevrilsə, əgər bütün Azərbaycan Mossad agentliyinə çevrilsə, həsrət və peşman olmaqdan başqa heç nə əldə edə bilməyəcək. Bütün bu hərəkətlər suyun üzərinə yazı yazmaq və deşilmiş məşkə üfürməkdir. Bizim arzumuz  və böyük fəzilət hər iki ölkə tərəfindən iki ölkənin, iki millətin və bölgənin böyük maraqlarına hörmət edilməsidir.”