Lavrov: Ərzaq sövdələşməsində Rusiyanın xüsusi əməliyyatı davam etdirməsinə heç bir məhdudiyyət yoxdur
Rusiyanın xarici işlər naziri Sergey Lavrov bildirib ki, ərzaq müqaviləsində Rusiyanın xüsusi əməliyyatı davam etdirməsinə mane olacaq heç nə yoxdur.
nazir bunu Konqonun xarici işlər naziri ilə danışıqların yekunlarına dair birgə mətbuat konfransı zamanı deyib.
“Əgər qeyd etdiyiniz və Odessada baş vermiş epizoddan danışırıqsa, o zaman Rusiyanın üzərinə götürdüyü öhdəliklərdə, o cümlədən iyulun 22-də İstanbulda imzalanmış müqavilələrə əsasən, bizə xüsusi hərbi əməliyyatı davam etdirməyi, hərbi infrastrukturu məhv etməyi qadağan edən heç bir şey yoxdur” deyə Lavrov bildirib.
Bir müddət öncə Rusiyanın müdafiə naziri Sergey Şoyqu bildirib ki, iyulun 22-də İstanbulda dünya bazarlarına ərzaq və gübrələrin çatdırılması problemlərinin həllinə yönəlmiş iki sənəd imzalanıb.
