“Pelosinin İrəvana səfəri Ermənistan hakimiyyətini sevindirə bilər, amma bu, Vaşinqtondan İrəvana konkret və effektiv dəstəyin verilməsi demək deyil. Pelosinin Tayvana səfərinin təcrübəsi göstərdiyi kimi, bu səfər bölgədə daha da gərginliyə səbəb olacaq.”

İranlı siyasi icmalçı Seyid Rza Mirtahir agentliyin saytında “Pelosinin Ermənistan səfəri; Gərginliyi azaldır ya daha da artırır?!” adlı yazısında Ermənistan dövlətinin bu səfərdən məmnunluğunun müvəqqəti olacağına işarə edib və Pelosinin bundan öncəki qalmaqallı səfərlərinə diqqət çəkib.

Ekspert bildirib ki, Pelosinin Tayvana səfəri təcrübəsi bunu deməyə əsas verir ki, onun belə bir zamanda Ermənistana dəstək məqsədilə İrəvana getməsi gərginliyi daha da artıracaq.