ArxivIslammədəniyyatSONXƏBƏRLƏRSosialXəbər lentiXəbərlər
Azərbaycanda daha bir dini fəal saxlanıldı
Ağaəli Yəhyayev 30 sutka müddətinə həbs edilib
Bakı Ağır Cinayətlər Məhkəməsinin binası yaxınlığında saxlanılan dini fəal Ağaəli Yəhyayev 30 sutkalıq inzibati həbs cəzasına məhkum edilib.
mayın 20-də Bakı şəhəri Nəsimi Rayon Məhkəməsi onu İnzibati Xətalar Məcəlləsinin 510 (xırda xuliqanlıq) və 535.1 (polisin qanuni tələblərinə tabe olmama) maddələri ilə təqsirli bilib
Qeyd edək ki Müsəlman Birliyi Hərəkatının üzvü Razi Hümbətovun barəsində hökm elan edilən zaman Yəhyayev və daha 4 fəal məhkəmə binasının yaxınlığında saxlanılıb.
Hüquq müdafiəçisi Arzu Abdulla bildirib ki, onlardan ikisi – Süleyman Ələkbərov və Mail Kərimli axşam saatlarında sərbəst buraxılıblar.
Digər iki saxlanılan fəalın – İmran Məmmədli və Elgiz Məmmədovun taleyi naməlum olaraq qalır.
