Ermənistan, Azərbaycan və Rusiya Federasiyası Baş nazirinin müavinləri Mher Qriqoryan, Şahin Mustafayev və Aleksey Overçukun bölgədəki kommunikasiyaların blokadadan çıxarılması üçün ikinci görüşü fevral ayı ərzində baş tutacaq.
TASS müxbirinə bu barədə çərşənbə günü Ermənistan Baş nazirinin müavininin mətbuat xidmətində məlumat verilib.
“Ermənistan, Rusiya və Azərbaycan baş nazir müavinlərinin ikinci görüşü fevral aylarında baş tutacaq”,- deyə mətbuat xidməti qeyd edib.
Qrigoryanın mətbuat xidməti, baş nazir müavinlərinin qərarı ilə iki mütəxəssis alt qrupunun yaradıldığını da əlavə edib. Erməni tərəfdən onun tərkibinə Milli Təhlükəsizlik Xidmətinin, Xarici İşlər Nazirliyinin, İqtisadiyyat Nazirliyinin, Ərazi İdarəetmə və İnfrastruktur Nazirliyinin Dövlət Gəlirləri Komitəsinin və Qida Təhlükəsizliyi Müfəttişliyinin nümayəndələri daxil olacaq.
Xatırladaq ki, üç ölkənin baş nazir müavinlərinin ilk görüşü 30 yanvarda Moskvada baş tutub.
