Bakının Günəşli qəsəbəsində yerləşən Xanım Fatimeyi-Zəhra (s.ə) məscidinin axundu dəyişib.
FaktXəbər-in məlumatına görə, məscidin axundu Hacı Ramil Bədəlov hər hansı bir səbəb göstərmədən tutduğu vəzifədən imtina edib.
Məscidə rəhbərliyin isə müvəqqəti olaraq Təzə Pir Məscidinin axundu Hacı Mircəfər Əyyubzadəyə tapşırıldığı bildirilir.
Bu barədə məlumatı FaktXəbər-ə təsdiqləyən Əyyubzadə qeyd etdi ki, növbəti həftədən cümə namazları onun rəhbərliyi ilə qılınacaq və məscidə müvəqqəti olaraq o rəhbərlik edəcək.
