İranın Liman və Dənizçilik Təşkilatının (PMO) nümayəndəsi Hadi Hakşenas Xəzər dənizində təhlükəsizlik məsələləri bağlı açıqlama verib. Bu barədə “İRNA” məlumat yayıb. Məlumata görə, dekabrın 10-11-də Tehranda keçiriləcək Xəzər dənizində əməkdaşlıq və təhlükəsizlik üzrə dördüncü görüş keçiriləcək. Azərbaycan nümayəndələri də görüşdə iştirak edəcək. Görüşdə Xəzər dənizində gəmilərin təhlükəsizliyi, axtarış və xilasetmə məsələlərində mexanizmləri yaxşılaşdırılması, dəniz əməliyyatı, gəmilərə nəzarət və onların yoxlanılması haqda hüquqi imkanlardan faydalanmaq üzrə məsələlər araşdırılacaq. Hadi Hakşenas bildirib ki, görüşə Azərbaycan, Qazaxıstan, Rusiya və Türkmənistanın nümayəndələri qatılacaq.