“Məsciddəyik, bura çox pis vəziyyətdədir. Bizə məlumat verdilər ki, burada heyvan saxlayıblar”.
“Report”un xəbərinə görə, bunu Əfqanıstanın Azərbaycandakı səfiri Amanullah Ceyhun bu gün Azərbaycandakı xarici diplomatlarla birlikdə Füzulinin işğaldan azad olunmuş Merdinli kəndindəki məsciddə olarkən deyib.
“Buradakı dağıntıların şahidi olduq. Bu, insanlığa sığmayan hərəkətdir. Dinindən asılı olmayaraq hər bir insan dinlərə hörmətlə yanaşmalıdır”, – o bildirib.
