Seyid Həsən Amilinin Azərbaycan dindarlarına yolladığı ismarıca əməl olunmağa başlanılıb

Bir nemə gün əvvəl Ərdəbilin imam cüməsi Seyid Həsən Amilinin Azərbaycan dindarlarına müraciətini təqdim etmişdik. Həmin müraciətində Amili üzünü Azərbaycandakı dindarlara tutaraq onları kütləvi dini ayinlərə səsləyirdi. Amili bildirirdi ki, Azərbaycan dindarları kimsədən çəkinmədən vəhabilərə güc nümayiş etdirməlidir, Məhərrəmlik ayında kütləvi tədvirlər həyata keçirməli, saha çox sayla və bütün şəhərlərdə belə aksiyalar düzənləməlidir.

Bu barədə DİA.AZ-a daxil olan məlumatda deyilir ki, oktyabrın 26-dan etibarən (Məhərrəm ayı daxil olduğu gündən) Aşuraya kimi bu mərasimlər davam edəcək. Mərasimlər əsasən Bakının Hacı Cavad, Məşhədi Dadaş, İmam Hüseyn, Xanım Zəhra, Qasımbəy və s məscidlərdə keçirilir.