Səudiyyədə Qətif şəhərində xalq İmam Hüseynə (ə) “Ləbbeyk” deyib küçələrə çıxdı

Hicrətin 61-ci ilində məhərrəm ayının 10-da Kərbəla çölündə amansızcasına qətlə yetirilən Pəyğəmbər (s) nəvəsi İmam Hüseyn (ə) və 72 yavərinə dünyanın hər yerində müsəlmanlar küçələrə axışaraq, matəm məclisləri, yürüşlər keçirir.

Deyerler.org xarici mətbuata istinadən xəbər verir ki, Səudiyyə Ərəbistanın şərqində Əhli-Beyt (ə) ardıcıllarının sıx yaşadığı Qətif şəhərində də müsəlmanlar küçələrə axışaraq, Aşura gününün matəm məclislərində iştirak ediblər. Minlərlə Əhli-Beyt (ə) sevdalısının iştirak etdiyi matəm məclisində “Səninləyik, ya Hüseyn”, Zillət bizdən uzaqdır” şüarları səsləndirilib.