Səudiyyə Ərəbistanının xarici işlər naziri Feysəl bin Fərhan, ərəb və Çin liderlərinin sammitinin sonunda keçirilən mətbuat konfransında; “İran regionun bir hissəsidir və bizim qonşumuzdur.
Ər-Riyad isə regionun sabitliyinə xidmət edəcək müsbət münasibətlər axtarır və bunun üçün əlini İrana uzadıb” deyib. Çinlə yaxınlaşma iddiaları ilə bağlı Faysal bin Fərhan “Biz qütbləşməyə və ya tərəfdaşlar arasında seçimə inanmırıq və bütün tərəfdaşlarla işləməyə davam edəcəyik” söyləyib.
Faysal bin Fərhan çıxışının digər hissəsində Səudiyyə Ərəbistanı ilə Çin arasındakı strateji tərəfdaşlığın ənənəvi iqtisadi əməkdaşlıqdan daha geniş üfüq açacağını vurğulayaraq: “Çin Səudiyyə Ərəbistanının xarici siyasətində ümumi məsələləri həll etmək üçün mühüm rol oynayır. Bütün bunlar Səudiyyə Ərəbistanı ilə Çin Xalq Respublikası arasında yeni başlanğıc nöqtəsidir” – fikirlərini əlavə edib.
