“Azərbaycan Rusiyanın Cənubi Qafqaz və Xəzər regionunda vacib strateji tərəfdaşıdır. Bakı ilə əlaqələr bərabərhüquqluluq, bir-birinin maraqlarına hörmət və mehriban qonşuluq prinsipləri əsasında qurulub”.
qafqaz.ir xəbər verir ki, bu barədə Rusiya Xarici İşlər Nazirliyinin mətbuat xidmətinin nazir Sergey Lavrovun 11-12 iyulda Azərbaycana səfəri ilə bağlı açıqlamasında deyilir.
“Bakıda baş tutacaq görüşlərdə hər iki ölkənin gündəliyində duran aktual məsələlərin müzakirəsi və Dağlıq Qarabağ münaqişəsi, o cümlədən Vyana və Sankt-Peterburq sammitlərində əldə olunmuş razılaşmaların inkişaf etdirilməsi barədə fikir mübadiləsinin aparılması planlaşdırılır”, – deyə məlumatda bildirilir.