Bu ilin avqust ayında Moskvada Rusiya, Azərbaycan və İran prezidentlərinin üçtərəfli görüşü keçirilə bilər.
FaktXəbər-in “Vestikavkaza” istinadən verdiyi məlumata görə, bu barədə Moskvada Azərbaycanın xarici işlər naziri Elmar Məmmədyarov bildirib.
“Rusiyada baş tutacaq Azərbaycan, İran və Rusiya sammiti ilə bağlı rəsmi dəvət almışıq. Görüş vaxtının əvvəl avqustun 15-i, sonra isə 14-ü olacağı deyildi. Mən Bakıya geri qayıdanda nə cavab verəcəyimizi dəqiqləşdirəcəm”, – deyə Elmar Məmmədyarov bildirib.
Elmar Məmmədyarov həmçinin qeyd edib ki, üçtərəfli format çox yaxşı təşəbbüsdür. Bu elə bir layihədir ki, bütün tərəflər qalib gəlir. Burada hamı maraqlıdır.
