Ruhani Haciəli Əliyevin məhkəməsi keçirilib

Qafqaz Həqiqətləri xəbər verir ki, bu barədə ruhaninin yaxınları məlumat verib. Aprel ayının 8-də hökümət tərəfdən təyin edilən vəkilin iştirakı ilə məhkəmə keçirilərək 274 – cü (dövlətə xəyanət) maddəsi ilə ittiham olunan ruhanin barəsində 4 ay həbs qətimkan tədbiri seçilib.

Bu qərardan apelyasiya şikayəti veriləcək.

Ruhanin yaxınları bildirir ki, bu gündən ruhanin hüquqlarını vəkil Fariz Namazlı müdafiə edəcək.

Yaxınları ruhanin həbsinin səbəbini son vaxtlar Azərbaycan və İran arasında gərginləşən münasibətdən dolayı şiə ruhanilərinə və inanclılara qarşı başladılan repressiya dalğası görür. Onlar irəli sürülən ittihamla razılaşmırlar.