Kanada hökuməti müsəlman qadın polislərə hicab geyinməyə izn verib

Kanada hökuməti müsəlman qadın polislərə hicab geyinməyə izn verib.

«Uniformalara bu əlavə Kanada Krallıq jandarmeriyasının komissarı tərəfindən qəbul edilib». FaktXəbər-in verdiyi məlumata görə, bu barədə İctimai Təhlükəsizlik Nazirliyinin nümayəndəsi Skott Bardsli Frans Press agentliyinə xəbər verib.

Onun sözlərinə görə, müsəlman qadınları hüquqmühafizə orqanlarında işləməyə həvəsləndirmək üçün hicab taxmağa izn verilib.

Press qəzetinin məlumatına görə, qərar qəbul edilməzdən öncə, polis rəhbərliyi 3 növ hicabı test edib və başdan tez çıxarıla bilən, həmçinin qadınların hərəkətinə mane olmayan baş örtüyü növünü seçiblər.