İslam Əməkdaşlıq Təşkilatı İsrailin hücumları ilə bağlı BMT-yə müraciət edib

İslam Əməkdaşlıq Təşkilatı (İƏT) Birləşmiş Millətlər Təşkilatına (BMT) İsrailin hücumlarını dayandırması və Fələstin xalqını müdafiə etməsi ilə əlaqədar çağırış edib.

Qafqaz Həqiqətləri informasiya agentliyi “rasthaber”ə istinadən xəbər verir ki, İƏT-dən verilən yazılı açıqlamada, İsrailin işğal altındakı İordan çayının qərb sahilindəki Nablus şəhərinə davam edən və fələstinlilərin ölümü ilə nəticələnən hücumları şiddətlə pislənilib.

Bəyanatda BMT Təhlükəsizlik Şurası və beynəlxalq ictimaiyyətə İsrailin cinayətlərinə son qoyulması və Fələstin xalqının beynəlxalq müdafiəsi ilə bağlı üzərinə öhdəlik götürməsi ilə əlaqədar çağırış edilib.

Bəyanatda həmçinin İsrailin Fələstin xalqına qarşı törətdiyi hücumların nəticələrinə görə də məsuliyyət daşıdığı qeyd edilib.

Qeyd edək ki, Fələstin Səhiyyə Nazirliyi aprelin 3-də İsrail əsgərlərinin Nablusda 2 fələstinlini öldürdüyünü açıqlayıb.

qafqaz.ir/az