“Moskva ilə Tehran arasında müdafiə sahəsində əməkdaşlıq heç bir üçüncü ölkəyə, xüsusən də Kiyevə qarşı yönəlməyib.”
bunu İran Xarici İşlər Nazirliyinin sözçüsü Nasir Kanani bazar ertəsi mətbuat konfransı zamanı deyib.
Kənani bildirib ki, İran və Rusiya arasında əməkdaşlıq ümumi maraqlara əsaslanır və iki ölkə arasında müdafiə sahəsində əməkdaşlıq heç bir üçüncü ölkəyə qarşı yönəlməyib.
O, Tehranın Ukrayna münaqişəsinin tərəfi olmadığını və heç bir hərbi əməliyyatda iştirak etmədiyini bildirib.
Kənani deyib: “İran bu münaqişə tərəflərindən heç birinə silah və ya hərbi yardım göstərməyib”
“Bu böhranı həll etməyin yolu, sülhü təmin etmək və müharibəyə son qoymağın yolu zəruri siyasi dialoqdur”, – deyə iranlı diplomat əlavə edib.
