İranın İslam İnqilabı Keşikçiləri Korpusunun qüvvələri ABŞ-ın İraqdakı iki hərbi bazasına raket zərbəsi endirib.
Raket zərbələri Ərbil şəhərində yerləşən bazalar və “Ayn əl-Əsəd” hərbi-hava bazasına atılıb. Bildirilir ki, “Ayn əl-Əsəd” hərbi-hava bazasına azı 35 raket zərbəsi endiriblər. Bildirilir ki, zərbə qanadlı və ballistik raketlərlə həyata keçirilib.
Bu barədə “Tasnim” agentliyinə mənbə bildirib.
Raket zərbələrinə görə məsuliyyəti İranın İslam İnqilabı Keşikçiləri Korpusu öz üzərinə götürüb.
Bildirilir ki, raket zərbələri iranlı general Qasim Süleymaninin öldürülməsinə cavab olaraq həyata keçirilib.
