İlahiyyatçı Vüqar İsgəndərov Qafqaz Müsəlmanları İdarəsinin 10 iyundan etibarən məscidlərdə məhdudiyyətlərlə insanların ibadətə icazə verməsinə etiraz edib.
Qafqaz.ir xəbər verir ki, o, məlum “məscid qadağaları” açıqlamasının diskriminasiyadan başqa bir şey olmadığını söyləyib:
“İcrası mümkünsüz olan bu qaydalar insanları etiraza təhrik edir və yarana biləcək hər hansı narazılıqda məsuliyyət QMİ-nin üzərinə düşəcək.
Məsələyə yenidən baxılmalıdır.
Yaş məhdudiyyəti, covid-19 passportunun tələbi, möhür və səccadənin kənardan gətirilməsi tələbi və 50 nəfər limiti yığışdırılmalıdır”.