Ermənistan Milli Statistika Komitəsinin məlumatına görə, bu ilin yanvar-noyabr aylarında ölkənin iqtisadi aktivlik indeksi 0,6 faiz təşkil edib.
Qafqaz.ir erməni KİV-nə istinadən xəbər verir ki, hazırkı vəziyyət son 7 ildə qeydə alınan ən aşağı göstəricidir.
Son 11 ayın nəticələrinə əsasən, Ermənistanda kənd təsərrüfatının ümumi daxili məhsulunun həcmi azalaraq 6,1 faiz təşkil edib.
Rəsmi statistikaya görə, kənd təsərrüfatı istehsalının həcmi də xeyli azalıb. Bu, Ermənistan iqtisadiyyatını fəlakətin gözləməsi anlamına gəlir.
Digər əsas sektorlar olduğu kimi, tikinti sahəsində də azalma müşahidə olunur. Bu ilin 11 ayın göstəricilərində tikinti həcmi ötən illə müqayisədə 10,9 faiz azalıb.
