Bankir: “Azərbaycan-İran müştərək bankının yaradılması ticarət dövriyyəsini altıqat artıracaq” Böyüt

“Azərbaycan-İran müştərək bankının təsis olunması iki ölkə arasında ticarət dövriyyəsinin həcminin 5-6 dəfə artmasına səbəb olacaq”. Bunu APA-nın Tehran bürosuna açıqlamasında İranın ən böyük özəl bankı olan “Parsiyan”ın baş direktoru Kuruş Pərvizian deyib.

Onun sözlərinə görə, iki ölkə arasında ticari əlaqələrin genişləndirilməsi üçün geniş potensial mövcuddur və yaradılacaq bank bu prosesə böyük təkan verə bilər: “Sözügedən banka əlverişli sərmayə yatırmaqla iki ölkə arasındakı ticarət dövriyyəsini 5-6 dəfə artırmaq mümkündür”.