Azərbaycanlı müctehid Ayətullah İsa Qasimə görə Bəhreyn rejimini tənqid etdi

Nüfuzlu təqlid mərcəsi Bəhreyn hadisələrindən və Ayətullah İsa Qasimdən söz açıb

İslamazeri.com “Tasnimnews”-a istinadən xəbər verir ki, İslam Dünyasının milliyətçə azərbaycanlı böyük mərcəi təqlid müctehidi Ayətullah uzma Cəfər Sübhani Ayətullah İsa Qasimin müdafiəsinə qalxıb.

Ayətullah uzma Cəfər Sübhani Ayətullah İsa Qasimin böyük din alimi olduğunu deyərək bildirib: “Onun həyatında kiçik bir nöqsan da tapa bilməzlər. O ölkəyə xidmət etmək istəyən sədaqətli bir alimdir. Ayətullah İsa Qasim bütün təqlid mərcələrinin etibar etdiyi şəxslərdəndir və o daim xalqı hüquqlarını aramlıqla tələb etməyə dəvət edirdi. O, “Şiələrin hüququnun müzakirə ilə bərpasını istəyirik” deyirdi. Ali-Xəlifə şiələrin hüququnu vermək istəmir deyə bu məsələləri təkzib edir. Ali-Xəlifə rejimi özünü həm qazi, həm şikayətçi, həm də qanunu yazan hesab edir. Bu zülmlər müqabilində ərəb dünyası və beynəlxalq təşkilatlar susmaqdan başqa bir iş görmürlər. Allahdan istəyimiz budur ki, qısa zamanda Ali-Xəlifə rejiminin şərrini şiələrin başından əskik etsin.”