Azərbaycanda “Aşura və İntizar” adlı konfrans keçirildi -Foto
“Hüseyn (ə) ola bilmiriksə ən azı Zeynəb (ə) olmalıyıq”
Ötən gün “Zühura Doğru” İctimai Birliyi qarşıdan gələn məhərrəm ayı ilə bağlı “Aşura və İntizar” adlı konfrans təşkil edib.Cenubnews.com İnternet Qəzeti xəbər verir ki,tədbirə Quran tilavətilə başlanılıb. Daha sonra birliyin fünksiyoneri İdris Hüseynzadə birliyin Qum hövzəsində dini təhsil alan sədrinin adından iştirakçıları salamlayıb və qarşıdan gələn matəm günləri ilə bağlı başsağlığı verib. İdris Hüseynzadə bu tədbiri təşkil etməklərindən məqsədlərinin məhərrəm ayı öncəsi möminlərə xüsusən əziz ruhanilərə təşkil olunacaq məclislərinə imam Zaman ağanın adı və yadı ilə zinət qatmalarının vacibliyini xatırlatmaq olduğunu bildirib.
Daha sonra ilahiyyatçı hacı Ramil Bədəlov çıxış edib. O öz növbəsində tədbirin təşkil olunmasında rolu olanlara öz minnətdarlığını bildirərək, seçilmiş mövzunun əhəmmiyyətindən danışıb. O imam Hüseyn (ə) və imam Zamanın (ə) oxşar cəhətlərindən danışaraq 2 imamın zəmanəsini qısa təhlil edib.
Daha sonra söz ilahiyyatçı seyid Nemət Mirzəyevə verilib. O da öz növbəsində tədbirin təşkili ilə bağlı öz təşəkkürünü çatdırıb. Nemət Mirzəyev ruhanilərin əl çatmaz deyil, bütün insanların istədikləri vaxt əlaqə yara biləcəyi bir şəxs olmalarının lazımlığını qeyd edib. O həmçinin Kərbəla hadislərinə də qısaca toxunub.
Konfransda “MMDİB”-nin sədri Ruhullah Novruzzadə də çıxış edib. O, imam Hüseyn (ə) və imam Məhdinin (ə), düşmənlərinin, zəmanələrinin oxşar cəhətlərinin olduğunu qeyd edərək, 2 imamın dostlarının ortaq xüsusiyyətlərindən söz açıb. Ruhullah Novruzzadə ixlas və vəhdətin olmasının, insan haqqının isə olmamasının zəruriliyini və 2 imamın səhabələrinin oxşar cəhəti hesab edib. Təşkilat sədri həmçinin zəmanədə Hüseynin (ə) yolunu davam etdirənlərin olduğunu vurğulayaraq “Hüseyn (ə) ola bilmiriksə ən azı Zeynəb (ə) olmalıyıq. Hüseynin və Məhdinin (ə) yolunu davam etdirənləri müdafiyə etməli və amallarını insanlara çatdırmalıyıq. Şeyx Baqir Nimr bu kimi şəxsiyyətlərdəndir.”-deyə bildirib.
