Şiə aləminin nüfuzlu təqlid mərcesi Ayətullah Məkarim Şirazi “Ərəb NATO-su”ndan söz açıb…
“Mehr”-ə istinadən verdiyi xəbərə əsasən, şiə aləminin nüfuzlu təqlid mərcesi Ayətullah Məkarim Şirazi “Ərəb NATO-su”ndan söz açıb.
ABŞ-ın 2 əsas strategiyasına işarə edən Məkarim Şirazi bildirib: “Onlar Yaxın Şərqdə 2 əsas iş görmək niyyətindədirlər. Bunlardan biri ABŞ-ın müdaxiləsi olmadan, lakin dəstəyi ilə “Ərəb NATO-su”nun yaradılmasıdır. Digəri isə Yaxın Şərqi köhnə və yararsız silahlarla dolduraraq, pulunu mənimsəməkdir. Suriya, Yəmən, İraqın şimalı gözəl təcrübə idi. Ərəb dövlətləri bu təcrübələrdən istifadə edib, ABŞ və İsrail rejiminin hiylələrinə aldanmamalıdırlar. Mən bilmirəm ərəb ölkələri nə düşünürlər? Oyanın! Gözünüzün önündə Suriya viran oldu. Qarşıdan gələn 30 ildə nələrin baş verəcəyini bilmək olmaz. Bu measjı ərəb dünyasnına çatdırın. Düşmən bütün islam ölkələrinin viran olmasını istəyir. Ayıq olun!”
