“Aşura – göz yaşı ilə qətiyyətin birliyi və insanın ölümdən sonrakı diriliyidir”
Birlik.az saytı “Kərbəla hadisəsi müasir Azərbaycan aydınlarının nəzərində” rubrikasına start verir
Belə ki, bu mövzuda ən çox klassik ədiblərimizin fikirləri önə çəkildiyindən müasir ziyalılarımızın fikirləri bir qədər kənarda qalmışdır.
“İslaminSesi” Birlik.az-a istinadən xəbər verir ki, sayt tənqidçi-yazar Namiq Qurbanlının moderatorluğu ilə hər gün müasir dövr mütəfəkkirlərindən birinin fikirlərini yayımlayacaq.
Yazıçı Şərif Ağayar: İmam Hüseyn təkcə İslam və şiəçilik kontekstində dəyərləndirilməməlidir…
“Biz demokratik, dünyəvi cəmiyyət arzusundayıqsa, bütün tarixi hadisələr, dini və mifik əhvalatlar kimi, Aşuranı da hər kəsin açıq müzakirəsinə buraxmalı, heç kəsə hiddətlənməməliyik. Mənə görə, İmam Hüseyn yüksək əxlaqa malik olan, təkcə özündən sonrakılara deyil, əvvəlkilərə də nümunə göstərilməyə layiq şəxsiyyətdir. Eyni zamanda düşünürəm ki, onu təkcə islam və şiəçilik kontekstində dəyərləndirmək, göz yaşı və ah-fəryadlarla yad etmək doğru deyil.”
***
Ədəbi tənqidçisi Əsəd Cahangir:
“Aşura – Füzulinin “Hədiqətüssüəada”sıdır, sözümüzün şəhadətidir
Aşura – Mübariz İbrahimovun canını vətən yolunda verməsidir, özümüzün şəhadətidir,
Aşura – göz yaşı ilə qətiyyətin birliyidir
Aşura – insanın ölümdən sonrakı diriliyidir.”
