Türkiyədə qaz təchizatı ev təsərrüfatlarının gəlirlərinin 10 faizdən çoxunu təşkil edir.
Türkiyədə enerji daşıyıcılarının, xüsusilə də qazın qiymətlərinin təkrar artması və milli valyuta olan lirənin ardıcıl devalvasiyası milyonlarla insanı çətin vəziyyətə salıb.
Son iki ildə, Avropada qaz və elektrik enerjisi qiymətlərində ən yüksək artım Türkiyədə qeydə alınıb və bu ölkə 47 faiz qiymət artımı ilə cədvəldə liderdir.
Son illər Türkiyədə lirənin dollar qarşısında devalvasiyası, işsizlik və inflyasiya prezident Rəcəb Tayyib Ərdoğana qarşı tənqidlərin artmasına səbəb olub.
