Ərəbistanın müdafiə naziri Yəmən münaqişəsindən qurtulmaq üçün Rusiyadan kömək istəyir

Ərəbistanın müdafiə naziri və vəliəhd Məhəmməd bin Salman Moskvaya yola düşməzdən öncə verdiyi müsahibəsində səfərinin məqsədini Yəmən münaqişəsi və daxili müharibəyə son qoymaq yollarını araşdırmaq olduğunu bildirib.
Müdafiə nazirinin Rusiyaya səfərinin səbəbləri barədə verdiyi açıqlama göstərir ki, artıq Ərəbistan Yəmən inqilabçıları qarşısında gücünü itirib və bu ölkə vəkalət müharibəsində ciddi böhranla üzləşib.
Ona görə də müdafiə naziri Ərəbistanın beynəlxalq səviyyədə simasını qorumaq, daxili və xarici tənqidçiləri sakitləşdirmək üçün Trampın tövsiyələrinə əməl etmək məcburiyyətində qalaraq Yəmən münaqişəsinin bitməsinə Tehranın razılığını almaq üçün Rusiyanı Ərəbistan və İran arasında vasitəçilik etməyə razı salmağa təlaş edir.