bu barədə İran Ədliyyə Nazirliyinin sözçüsü Məsud Setayişi bugünkü mətbuat konfransında həbs olunan Fransa vətəndaşları barədə danışarkən deyib.

Onun sözlərinə görə, təqsirləndirilən şəxslərdən strateji məlumatlar əldə edilib: “İşin araşdırılması hələ də ədliyyə orqanlarının gündəmindədir. Tədqiqatlar davam edir”.

Nazirlik rəsmisi Evin həbsxanasında baş verən hadisəyə də münasibət bildirib. O diqqətə çatdırıb ki, hadisə ilə bağlı Tehran Baş prokurorluğunda iş qaldırılıb, cinayət törətmiş şəxslər müəyyən edilib və onlara qarşı ittiham irəli sürülüb: “Faktla bağlı araşdırma aparılır və araşdırmanın nəticəsi gələcəkdə açıqlanacaq. Bəzi məhbuslar həbsxananı tərk etməyə çalışsalar da, heç bir məhbus Evindən qaça bilməyib. Hadisə nəticəsində 8 nəfər ölüb. Eyni zamanda, 25 nəfərə cinayət işi açılıb”.

Nazirlik sözçüsü qeyd edib ki, ölkədəki iğtişaşlarla bağlı həbslərə görə məhkəmə prosesləri başlayıb: “Əsasən Tehran, Əlburz, İsfahan və Kürdüstan bu sahədə qabaqcıl olub. Prokurorluqdan işlər məhkəməyə göndərilib. Demək olar ki, son etirazlarda həbs olunan tələbələr azadlığa buraxılıb və onların az hissəsi həbsdədir”.