Azərbaycan, İran və Rusiya liderlərinin üçüncü sammiti avqust ayında RF-da keçiriləcək. FaktXeber.com-un məlumatına görə, bu barədə RF prezidenti Vladimir Putin Pekində «Bir kəmər, bir yol» II Beynəlxalq Forumda Azərbaycan prezidenti İlham Əliyevlə görüşü zamanı xəbər verib.
«Biz avqust ayında növbəti Rusiya-Azərbaycan-İran sammitinin keçirilməsi barədə razılığa gəlmişik», – deyə Putin açıqlamasında vurğulayıb.
İkitərəfli ticarətə gəldikdə isə Rusiya lideri bildirib ki, Azərbaycanla ticari dövriyyə ötən il təqribən 14 faiz artaraq 2,5 mlrd dollara çatdırılıb.
Xatırladaq ki, İlham Əliyev hazırda Pekində «Bir Kəmər, bir yol» II Beynəlxalq Əməkdaşlıq Forumunda iştirak edir.
