Qafqaz.ir xəbər verir ki, ilahiyyatçı-filosof Hacı İlqar İbrahimoğlu sosial şəbəkələrdə Şeyx Sərdar Hacıhəsənli barəsində yayılan şantaj videosu ilə bağlı açıqlama verib. O, şantaj videosunu qətiyyətlə pisləyərək bildirib:
“Bu günlər xalqımızın böyük qələbəsi qeyd olunan günlərdir. Vətənimizin hər yerində əziz şəhidlərimiz anılır, dəyərli qazilərimiz ziyarət edilir.
Çox təəssüflər olsun ki, belə bir mənəvi günlərdə ölkənin ictimai rəyinə yönəlmiş yenə də “qara piar” üslublu və heç bir formada milli-mənəvi dəyərlərimizin ruhuna uyğun olmayan məsələlər işə salınmışdır. Konkret olaraq, Hacı Sərdara qarşı heç bir mənəviyyata uyğun olmayan mövzular yayılır.
Bunu qətiyyətlə pisləyir, bütün bu kimi fitnələrdən Uca Allaha pənah apararaq, Rəbbimizdən fərəc və açılışlar diləyirik”.
