“Maarifçiliyə Dəvət” İB növbəti “Əyyami Fatimə” məclisini keçirib – Video – Foto

“Maarifçiliyə dəvət” İctimai Birliyin silsiləvi “Əyyami Fatimə” məclisləri davam etdirir.

Hədəf14.az xəbər verir ki, daha bir əza məclisi icmanın paytaxtın Yasamal üzvlərinin iştirakı ilə baş tutub. Birliyin sədri ilahiyyatçı hacı Elçin Manafov və nümayəndələri tərəfindən təşkil edilən əza məclisində 50 -ə yaxın dindar iştirak edib. Qurani Kərimin tilavəti ilə baş tutan məclisdə ilahiyyatçı Fatimeyi Zəhranın (ə.s) həyatından, onun fəzilətlərindən və başına gətirilən müsibətlərdən söhbət edib. Şərəafətli ömrünün hamısı İslam yolunda keçən xanımın ruhuna dualar edilib salavat göndərilib. Daha sonra hər kəs ehsan süfrəsi arxasında dualarını davam etdirib. İcmanın sədri gələn ziyarətçilərə təşəkkür edib.