Tacikistanda qeydiyyat mərkəzləri və nikahın qeydə alındığı attestat şöbələri bildirişlər yayaraq hicablı qadınların bu mərkəzlərə girişinə qadağa qoyulduğunu bildiriblər.
İranın tacik dilli radiosunun məlumatına görə, bildirişlərdə Tacikistanda şənlik və mərasimlər üzrə qanunun 10-cu maddəsinə edilmiş yeni dəyişikliyə istinadla sentyabrın 10-dan sonra nikahlarını qeydiyyatdan keçirmək istəyən gənc cütlüklərin hicabdan istifadə etmələri qadağandır.
Həmçinin məktəblilərin valideynlərinə göndərilən məktublarda da qadınların uşaq baxçaları və məktəblərə hicablı girişinə qadağa tətbiq olunduğu bildirilib.
Son 1 ay ərzində Tacikistan tarixində ilk dəfə olaraq ölkənin dövlət idarələri və ticarət mərkəzlərində qadınların islami hicabına qadağa tətbiq edilməyə başlayıb.
