Quran hafizi, ilahiyyatçı alim Hacı Zülfüqar Mikayılzadə Bakı İstintaq Təcridxanasına köçürülüb
İslamazeri.az-ın verdiyi xəbərə görə, dünən Hacı Zülfüqar Mikayılzadənin yaxınları Kürdəxanı təcridxanasında onunla görüşüblər. Qardaşının bildirdiyinə görə, ruhaninin səhhəti normaldır və saxlanma şəraitindən şikayəti yoxdur. Hacı Zülfüqarın qardaşı həmçinin bildirib ki, Hacı Zülfüqarın möminlərə salamı var və o, möminlərə bəzi tövsiyələr verib. Hacı Zülfüqar tövsiyə olaraq bildirib ki, möminlər İslam üçün etdikləri təbliğatdan əl çəkməsinlər və məscidləri boş qoymasınlar. Qeyd edək ki, bu gün sosial şəbəkələrdə İslamazeri.az-ın köhnə məlumatını yayımlayaraq Hacı Zülfüqar Mikayılzadənin azad olunması xəbərini paylaşıblar.
