İsrailli deputat qondarma soyqırımla bağlı etdiyi çıxışda bildrib ki, erməni soyqırımını tanımaq bizim mənəvi borcumuzdur…
İslamazeri.az-ın İsrail mediasına istinadən verdiyi xəbərə görə, qondarma erməni soyqırımı İsrailli deputatların iştirakı ilə geniş şəkildə qeyd edilib. İstər İsrailin işğal etdiyi Qüds şəhərində keçirilən tədbirə, istərsə də İrəvanda keçirilən anma proqramlarına Knessetin – İsrail parlamentinin bir sıra deputatı qatılıb. Məlumata görə, “Merets” -İsrailin solçu sionist sosial-demokrat partiyasının sədri Zaxav Qalyon və İsrailin sabiq naziri Yair Tsaban Qüdsdə təşkil edilən qondarma erməni soyqırımı ilə bağlı tədbirdə iştirak ediblər. İsrailin rus dilli “İzrus” saytı bu xəbəri yayımlayarkən bu cümlədən istifadə edib: “”Merets” partiyasının sədri Zaxav Qalyon və İsrailin sabiq naziri Yair Tsaban Qüdsdə erməni kilsəsində türklər tərəfindən qətlə yetirilən 1,5 milyon ermənilərin anma mərasimində iştirak ediblər.” Tədbirdə iştirak edən qadın deputat “Merets” partiyasının sədri Zaxav Qalyon deyib: “Erməni soyqırımını tanımaq bizim mənəvi borcumuzdur. Kütləvi qətliamdan keçən, Xolokostun inkarını anlayan və bu inkarla mübarizə aparan yəhudi xalqı, bu gün başqa xalqların faciələrinə anlayışlı olmalıdır. Soyqırımı tanımayan İsrail höküməti bunu, özünün xarici siyasəti üçün istifadə edir.” İrəvanda keçirilən qondarma soyqırım tədbirlərində isə İsrail parlamentinin böyük fraksiyalarının deputatları – “Likud” partiyasından Anat Berko və “Sionist laqer”indən Naxman Şay iştirak edib. Bu iki deputatı Ermənistanda İsrailin səfiri Şmuel Merom müşaiyət edib. İsrail medaisının məlumatına görə, Ermənistanda keçirilən soyqırım tədbirlərində İsrail, ilk dəfədir rəsmi nümayəndə heyətilə iştirak edir.
