Bismillahir Rəhmanir-Rəhim.
و الحمدلله ربّ العالمین و صلّی الله علی سیّدنا محمّدٍ و آله الطّیّبین و صحبه المنتجبین و من تبعهم باحسانٍ الی یوم الدّین.
əzizə dınyo mısılmınoə boə iyən hovoon!
Bo mısılmınon həcci movsum çı milləti çəşədə qıləy iftixorin iyən əzəmətin və çı dılon muti iyən xuzu bıə movsume.həcc qıləy,mığəddəs,dınyəvi ,ilahi iyən məxloğiyə fərizə və vocibate. Itərəfiku “فَاذکُرُوا اللّهَ کَذِکرِکُم ءابآءَکُم اَو اَشَدَّ ذِکرًا və وَ اذکُرُوا اللّهَ فی اَیّامٍ مَعدوداتٍ fərmoni və co tərəfiku “اَلَّذی جَعَلناهُ لِلنّاسِ سَوآءَنِ العاکِفُ فیهِ وَالباد çəy fərğ doə iyən benəhoyətə cəhəton ruşin kardedə.
Im analoqış nıbə fərizə və vocibat,zəmon iyən məkoni əmniyyət ,bənə qıləy oşkoə nışonə iyən vavriski doə astovə bə insonon dılon oroməti baxş kardedə və həcci ziyorəti təşkil kardə kəson çı sultəgərə sıtəmkoron tərəfiku bıə noromətiyon mıhosirəku ki,hejo qırd bəşəriyyəti təhdid kardedən,bə bi bekardedən və qıləy mıəyyənə zəmonədə əmniyyəti ləzzəti bəvon çaştovnodə.
İbreymiyə həcc ki,islomi bə mısılmınon hədiyyəş kardə,çı izzət,mənəviyyət,vəhdət iyən əzəməti məzhər və simvole.islomi umməti əzəmət və çəvon bə ilahi zay nıbə ğudrəti təkyə kardey bə islomi nıpiyəkəson və deşmınon dimi kəşeydə və çəvon de fəsod,həğarət iyən dınyo beynəl-xalğə zılmkorə ğudrəton bə milləti təhmil kardə zəyifəti və məzluməti batlaği,oşko kardedə.islomi iyən tohidiyə həcc, اَشِدّآءُ عَلَى الکُفّارِ رُحَمآءُ بَینَهُم simvole və çı mışrikonku bə diyəro bıey iyən muminon vəhdəte.
Əvon ki,həcci qıləy befoydə ziyorəti və səyohəti səfəri unvanədəd zıneydən və de ironi muminə millət və inğilobi deşmonəti və kin-kudurəti xoto “həcci siyosi kardey unvanışon” məxfi kardə,əvon beməxə iyən həğirə şəytononin ki,bə dıjdə şəytoni bıə Amerkə tamahon bə xətər eqıniyero,ıştən-boştə larzeydən. Səudiyyə sulolə hukumət ki, ımsor صدّ عن سبیل‌اللّه و المسجد الحرام və çı ironi ğeyrətinə və muminə hociyon roy bə məhbubə Xıdo kə ziyorəti tərəf bastəşone,ro dəqıjnə rısvoyə fərdonin ki,boştə ğudrəti oqəteyro bə bənə Amerkə iyən seyonist rejimi bıə dınyo zolımkorə ğudrəton peştıpur bıən və çəvon siyosəton royədə hərəkət kardedən və boçəvon tələbon bə vırə rosney xoto bın royədə çı har cinoyətiku oko doydən.
Isət bə isori neze ki,çı Mina dəhşətinə faciyəku dəvardedə ki,bəvədə çand həzo hoci İdə ruji,ehrami olətədə həşi sıə hərorəti jiyədə de təşnələb məzlumonə formədə conışon doe.çəy tikəy bənav həm Məscidul-Həramədə i dast hoci ibodət. Kardə ,Kəbə təvof iyən nımoj votə holədə ğətli-am bin.Səudiyyə hakimon har qıləy hodisədə taxsırkorin.ım qıləy çiye ki,qırd əyo hozzı bıəkəson,nəzorətəkəyon iyən texniki təhliləkəyon həmmə i fikədən və ın hodisə çı ğəsdo bıey barədə həm kali nəzə soybon rayışon doəbe.bə yarəjə bıəkəson ki,çəvon bə Ğıboni eydi qıləy iştiyağışon hestebe ,bın koyədə bıə səhlənkorəti həm oşko və ğətiye.Səudiyyə ım ğəlbışon sığ bıə conoyətkoron con doəkəsonışon kantineronədə həbsışon kardəbe və bə təşnəciqərə və yarəjə bıə insonon ov rosney əvəzi,əvoni bə şəhodət rosneşone. çandə qılə kişvəronku çandə həzo xıyzon ıştə əzizonışon çı dasto doe və əzodor bin.İron İslom Respublikəku həm bə pensə xonəxo nezi çı şəhidon miyono be.çə şəhidon xıyzonon dıl hələ ijən doğdor və zəxminevə millət ijən həm çı ğəmo-ğussə dılədən.
Əmmo Səudiyyə sulolə hakimon çı uzrxahəti,peşmonəti və bın faciyədə taxsırkoron cəzo doey doey əvəzi,de benəhoyətə behəyoəti hətta qıləy”beynəlxəlğə həyğəti dumo bıə komissiya” təşkil doey vəyış həm qəte.əvon çı mıttəhəmi vırədə mandey əvəzi,iddio kardəskəson məğamdən və bə de İroni İnğılobi nığılə deşmınəti xoto dınyo zolmkorə ğudrəton de ironi respublikə və islomi rost bıə boydəği deşmonəti mıborizə bardey koyədə de əvon bə ico bıey oşkoə surətədə bəyon bedə.
Çəvon siyosətmədorəon təbliğati zikməvulə və siqnalon ki,çı Amerkə və seoniston çı islomi dınyo vədə mandeye ta çəvon bedinə həromxorə muftiron ki,oşkoə holətədə bə Xıdo kitob iyən sınnəti ələyh fitvo doydən ta çəvon mediyaədə bıə nokəon ki,çəvon təcrubə vijdon həm bəçəvon du votey mane bedəni, hədərə cəhd kardedən ki,İslomi Respublikə ,çı ım sornə Həcci mərasimədə ironi hociyon iştirok nıkardey amil bıə və əy jıqo nışon doydən.fıtnə soxtə hakimon ki,de şərə ğıvvə bıə vəhabiyon dast pesoxtey islomi dınyoşon bə daxliyə canqon və ğətlon dıço kardəşone və Yəmən,İrağ ,Şam iyən liviyə iyən co kişvərondə əvonışon bəçəvon xuni ğəlton kardəşone.Xıdoku xəbəşon nıbə çəvon siyosətmədoron de seonist rejimi dustəti kardedən və çı Fələsətini mısibəton vindedənin və ıştə zılm iyən cinoyətışon de tosə Bəhrəyni di iyən şəhron pevolo kardəşone. Çəvon bedinə be vijdonə hakimon Mina dıjdə faciyəşon bə əməl varde və de hərəmeyni xadimon unvani ilahi əmnə vırə hurmətışon darışte və Xıdom kə mehmononışon idə ruji və çəy bənav Məscidul Həramədə ğıbonişon karde.ısətən çı Həcci mərosimi siyosi bıeyku dəm jedən və ıştən mırtəkib bıə qınoyədə cokəson taxslırkor zıneydən.ın ayə komilən bəvon ayideki,Ğıron hamyedə: وَ اِذا تَوَلّىٰ سَعىٰ فِی الاَرضِ لِیُفسِدَ فیها وَ یُهلِکَ الحَرثَ وَ النَّسلَ وَ اللّهُ لا یُحِبُّ الفَساد * وَ اِذا قیلَ لَهُ اتَّقِ اللّهَ اَخَذَتهُ العِزَّةُ بِالاِثمِ فَحَسبُه‌ُ جَهَنَّمُ وَ لَبِئسَ المِهاد. bə məlumaton əsos bənə ımi çı ironi hociyon və kali co miləton səd iyən noməlumə vırəonədə və ğeyri normalə vırəondədə de Amerkə iyən seonist rejimi kəşfiyyati vositə ğərolışon doə və Xıdo kəşon bo həmməkəson qıləy təhlukəninə vırəşon kardə.islomi dınyo ısət çı mısılmonə dıvlət ya millət bıbu,bəbe Səudiyyə sulolə hukuməti bızınon və çəvon ım behurməti iyən beimoni və çəvon bə maddiyati vabastə bıey həyğəti dırıstə şikilədə bəbe dərkkəyn.bəbe bəçəvon bə islomi dınyo bıə cinoyəton xoto çəvon yəxəku dast nıkəşon .bəbe çəvon de “ZuyufurRəhman”və Xıdo mehmonon bıə deşmınə hərəkəton xoto bo həcci məsələ və hərəmeyni şərifieni mudiriyyət kardey xoto qıləy əsosinə fikkəyn.ıştə vəzifə bə vırə rosney koyədə səhlənkorəti islomi umməti vəomə de ziyodə problemon dimbədim bəkay.
Mısılmonə boon iyən hovon.!ımsor bə Həcci muştoğ bıə ixlosinə ironıjə hociyon vırə həcci mərasimədə təyliye.əmmo çəvon ğəlbon əyo hozzıe və çı dınyo qırd hociyon kənoyədə və çəvon holiku norohətin. dıvo kardedən ki,ım məlunə şəcərə bıə tağutə Səuidyyə rejim bəvon qıləy zərəl rosney nızıno.ironıjə hovə və boon ıştə dıvo iyən ibodəton və munocatonədə bə yod dənən və bo islmoi camiyə problemon həll beıyro iyən çı islomi dınyoku istikbar və seyniston daston kırt bıeyro dıvokənən.
Az dəvardə soronədə Mina iyən Məscidul-Hərami şəhidon iyən hicri şəmsi 66-ə sori Məkkə şəhidon xatırə əziz qəteydəm və Xıdoku rəhmət iyən məğfırət və aliyə dərəcəon oruzu kardeəm və de həzərəte Bəğiyyətullahul -Əzəmi(ruhi ləhul fida) səlom vığandey və de həzrəti ğəbul bıə dıvo islomi umməti miyono vəhdəti iyən mısılmınon çı deşmınon fıtnəku perəxey tələb kardedəm.
و باللّه التّوفیق و علیه التُّکلان
Seyyid Əli Xameneyi
1437-ə sori Zilğə`də manqi oxo.
