Azərbaycan Respublikasının Rusiya Sülhməramlılarının nəzarətinə verilmiş ərazilərində fəaliyyət göstərən qondarma dağlıq qarabağ respublikasının “ombudsmanı” Geqam Stepanyan bu gün Azərbaycan hərbçilərinə ölümcül hücum edərək 3 hərbçini yaralayan Norayr Mirzoyanın separatçılara təhvil veriləcəyini deyib.
Stepanyan bildirib ki, hazırda terrorçu Norayr Mirzoyan rus sülhməramlılarının qərargahındadır.
Azərbaycan Respublikası ərazilərində azərbaycanlı hərbçilərə qumbara ilə hücum edən erməninin Xankəndində Rusiya Sülhməramlılarının himayəsində fəaliyyət göstərən separatçılara təhvil veriləcəyi xəbəri elə bir şəraitdə yayılır ki, az öncə Azərbaycan Respublikası Daxili İşlər Nazirliyi və Baş Prokurorluğunun birgə bəyanatında fakta görə cinayət işi başlanmaqla istintaqın aparılması bildirilmişdir.
