Azərbaycan Ukrayna ilə hərbi-texniki əməkdaşlığı inkişaf etdirmək niyyətindədir
Azərbaycan və Ukrayna prezidentləri əməkdaşlığın inkişafı üçün yaxşı potensial olduğunu vurğulayıblar.
“Səfəriniz, sözsüz ki, ikitərəfli münasibətlərimizin inkişafı baxımından çox vacibdir. Müzakirə edilməli, həll edilməli məsələlər çoxdur”.
Bu sözləri prezident İlham Əliyev Azərbaycan-Ukrayna Prezidentlər Şurasının 5-ci iclasında çıxışı zamanı deyib.
Azərbaycan dövlət başçısı iki ölkənin hərbi-texniki əməkdaşlığı inkişaf etdirmək niyyətində olduğunu açıqlayıb.
Öz növbəsində, Ukrayna prezidenti Pyotr Poroşenko ölkələr arasında əməkdaşlığın inkişafı üçün yaxşı potensialın mövcud olduğunu vurğulayıb.
Poroşenkonun sözlərinə görə, tərəflər arasında əldə edilən bütün razılaşmalar qətiyyətlə həyata keçirilir.
Azərbaycan və Ukrayna arasında sənədlər imzalanıb.
