Kərbəla müsibəti dünyadakı bütün müsəlmanların, o cümlədən dinindən, irqindən asılı olmayaraq əsl insani hissləri ruhunda daşıyan hər kəsin ibrət götürəcəyi qəhrəmanlıq məktəbidir.
Çünki Peyğəmbər nəvəsi olan İmam Hüseyn (ə) 72 nəfər tərəfdarı ilə Kərbəlada zalımlara qarşı döyüşərkən təkcə özünü yox, bütün dünyadakı insanları düşündü.
Yer üzərində ədaləti bərpa etmək, zülmə məruz qalan insanların haqqını qaytarmaq üçün nəinki öz canından, hətta ailəsindən belə keçməyi gözə aldı.
İmam Hüseyn (ə) məktəbi zülmə boyun əyməkdənsə, şərəfli ölümü üstün tutmağı bəçəriyyətə öyrətdi.
“İslaminSesi”nin təqdim etdiyi videoda Aşura məktəbinin böyüklüyünü və aşıladığı bəşəri dəyərlərin çox az bir hissəsini izləyəcəksiniz.
