Türkiyənin xarici işlər naziri Mövlud Çavuşoğlu bazar günü “Habertürk” kanalına müsahibəsində Türkiyə hakimiyyətinin Rusiya Federasiyasının Türkiyədəki seçkilərə müdaxilə cəhdləri ilə bağlı heç bir sübutunun olmadığını bildirib və bu cür ittihamlarla çıxış edən Kamal Kılıçdaroğluya ciddi olmağı məsləhət görüb:
“Cənab Kılıçdaroğlu Rusiyanı təhdid etməyə başladı. Hansısa ölkə ilə münasibətlərimizi bu cür korlamaq səhvdir. Mən ondan sübutunun olub-olmadığını soruşduqda, “Məndə belə təəssürat yarandı”, – deyə cavab verdi. Türkiyənin müxalifət lideri olmaq istəyən biri daha ciddi olmalıdır”.
Nazir vurğulayıb ki, “təəssürat” əsasında heç bir ölkəni hədəfə almaq olmaz.
