İran Parlamenti sədrinin beynəlxalq məsələlər üzrə xüsusi köməkçisi Əmir Abdullahiyan ölkəsinin Yəməndə sülh əldə etmək üçün əlindən gələni əsirgəməyəcəyini bildirib.
İran mətbuatı xəbər verir ki, bu barədə o Tvitter hesabında yazıb.
“BMT Baş Katibinin Yəmən üzrə Xüsusi Nümayəndəsi Martin Qrifffitslə görüşdə Səudiyyə Ərəbistanının danışıqlar masasında döyüşdəki məğlubiyyətini kompensasiya edə bilməyəcəyi vurğulanıb”, – paylaşımda qeyd edilib
Həmçinin Abdullahiyan paylaşımında Yəmənin humanitar mühasirəsinin qaldırılması, Ər-Riyadın Yəmənlə sülh yaratmaq niyyətini qiymətləndirmək üçün meyar olduğunu vurğulayıb.
