Ayətullah Xamenei Ruhanilərlə görüşdə: “Siz ruhanilər xalqın mənəvi təbibləri və onların hidayətçisisiniz”!

“Siz ruhanilərin işinin əvəzedicisi yoxdur, Xalq sizə etimad edir, ona görə səbirli olmalısınız.”

Qafqaz Mədəniyyət Mərkəzi  khamenei.ir-ə istinadla xəbər verir ki bunu İslam İnqilabının Ali lideri Ayətullah Xamenei bu gün Tehranın din xadimləri və ruhanilərini qəbul edərkən deyib.

Ayətullah Xamenei bəyan edib ki, ruhanilik təkcə xalqı hidayət etmək deyil həm də onlara xidmət etmək onların dərdlərini eşidib ona şərik olmaqdır.

İslam İnqilabının Ali lideri ruhanilər qarşısında duran əsas üç vəzifəni belə açıqlayıb:

“Ruhanilərin öhdəsində əsas üç vəzifə durur: Xalqı fikri və mənəvi baxımdan hidayət etmək və yol göstərmək; Onları siyasi baxımdan hidayət etmək; İctimai xidmət göstərmək, camaata xidmət etmək və onların dərdinə şərik olmaq”