İŞİD-in azərbaycanlı terrorçusunun şəkilləri yayıldı – FOTO

Onun atası Əbu Hafiz Azəri də məşhur terrorçu olub.

İŞİD terror təşkilatının əslən naxçıvanlı olduğu bildirilən 18 yaşlı terrorçusu Həmzə Azərinin (Hamzat Lamro) fotoları yayılıb.

Həmzə Azəri 2014-cü ildə İnstagram sosial şəbəkəsində məşhurluq qazanıb.

Onun İraq və Suriyadakı terror fəaliyyətləri zamanı çəkdiyi fotolar İnstagram istifadəçiləri tərəfindən hiddətlə qarşılanıb. Həmzənin paylaşdığı fotolar əsasən Kobanidə gedən döyüşlərdə çəkilib. Həmzə Azəri iyulun 24-də Bəycidə İraq ordusu tərəfindən öldürülüb. Onun atası Əbu Hafiz Azəri də məşhur terrorçu olub.

O, İŞİD-in hazırda məşhur əmirləri olan Əbu Ömər Şişani və Əbu Cihadı Qafqazdan Suriyaya aparmışdı.