Bakıda İran və Azərbaycan Respublikası İnvestisiya Fürsətləri Konfransı keçirilir
İran və Azərbaycan Respublikasının İnvestisiya Fürsətləri Konfransı iki ölkənin 150-yə yaxın investoru və sahibkarının iştikrakı ilə Bakıda işə başlayıb.
IRIB-nin Bakı ofisinin məlumatına görə, bu konfrans iki ölkə razılaşmalarının reallaşması, habelə iki tərəfin sənaye, kənd təsərrüfatı, neft və qaz, turizm və nəqliyyat sahələrindəki investisiya imkanlarının təqdimi və tanıtdırılması hədəfilə iki gün müddətinə Bakıdakı Hilton otelində keçirilir.
Konfransın açılış mərasimində İranın Azərbaycan Respublikasındakı səfiri Cavad Cahangirzadə iki ölkənin yaxşı siyasi əlaqələrinə toxunaraq, deyib: Hazırda ikitərəfli əməkdaşlıqlar və investisiya sahələri tamamilə yaranıb və bu istiqamətdə iki ölkə prezidentlərinin iradəsi əsasında bu ölkələrin iqtisadi əlaqələrinin genişləndirilməsi sahəsində yaxşı fəaliyyətlər göstərilməkdədir.
