Türkiyənin ana müxalifət partiyası CHP-nin sədri Kamal Kılıçdaroğlu AKP-nin tələbi ilə möhürsüz bülletenlərin etibarlı sayılan referendumu tanımadığını söyləyib.
Deyerler.org Cumhuriyyet-ə istinadən xəbər verir ki, Kılıçdaroğlu Twitter səhifəsindən verdiyi açıqqlamasında, belə qeyd edib: “Tarixin “möhürsüz seçki” kimi yazacağı bu seçkini tanımırıq, tanımayacağıq”.
Kılıçdaroğlu daha sonra bu mesajı paylaşıb: “OHAL (fövqəladə hallar) şərtlərində təzyiqlərə baxmayaraq, millətimiz seçki məntəqələrinə gedib, ölkəsinin gələcəyinə sahib çıxdı. Bunun üçün hər kəsə təşəkkür edirəm. 16 apreldə hökumət və YSK (Seçki Mərkəzi) əməkdaşlıq edərək, milli iradəyə zərbə vurdular! Hər səsin ardınca düşərik, bütün qanunsuzluqların hesabını soruşacağıq!”
