Azərbaycan öz xəstəxanalarını təchiz edə bilmirmi?
Sionist İsrail Rejiminin Azərbaycan Respublikasındakı səfiri Azərbaycan barədə təbii fəlakətə məruz qalan bir ölkə təsəvvürünü yaradıb. Sionist səfir İsrail rejiminin Azərbaycana bir tondan çox tibbi ləvazimat göndərdiyini bildirib.
SəhərAzəri-nin məlumatına əsasən, bu təşəbbüsün sionist rejimin istənilən ölkələrə nüfuzunu və qeyri-qanuni fəaliyyətlərini təmin edən MASHAV (Beynəlxalq Əməkdaşlıq üzrə sionist Mərkəz) vasitəsi ilə həyata keçirildiyi bildirilir.
“Dünən biz 1 tondan çox tibbi ləvazimatı Səhiyyə Nazirliyi ilə əməkdaşlıq çərçivəsində Azərbaycanın müxtəlif xəstəxanalarına bağışladıq”,- Corc Dik “Twitter”də bildirib.
Böyük həcmdə neft gəlirlərinə və valyuta ehtiyatına malik olan Azərbaycan Respublikasının xəstəxanalarının lazımı avadanlıqlara malik olmaması ölkə əhalisi arasında ciddi narazılıqlara səbəb olur.
Sionist rejimin nüfuzunu təmin etmək məqsədini güdən MASHAV-ın bu sahəni seçməsi də bu cəhətdən diqqət çəkir.
Azərbaycan xəstəxanalarına avadanlıq verilməsi ilə bağlı tvittində “Hamımızın anaları, ataları, övladları var və onlar ən yaxşısına layiqdirlər”, deyən sionist səfir Azərbaycan dövlətinin öz vətəndaşlarına lazımlı qayğı göstərmədiyinə eyham vurmuş olub.
Digər tərəfdən fləstinli övladları şəhid edərək müsəlman atalar və anaları ağlar qoyan sionist rejimin nümayəndəsinin bu ifadəsi heç də birmənalı qarşılanmır.
