Türkiyənin hücumu ilə bağlı BMT Təhlükəsizlik Şurasında iclas keçirilib
Türkiyə İraqın suverenliyini pozur
İraqın Türkiyəyə qarşı şikayəti ilə Birləşmiş Millətlər Təşkilatının Təhlükəsizlik Şurası fövqəladə iclas keçirərək, Dehuk vilayətinə artilleriya hücumu pislənilərək, İraqın ərazi bütövlüyü, suverenliyi və müstəqilliyinin dəstəkləndiyi ifadə olunub.
ötən çərşənbə günü Türkiyə İraqın Kürdüstan bölgəsindəki Dehuk vilayətində turizm mərkəzinə hücum edib, nəticədə 11 uşaq və qadın həlak olub, bir neçə nəfər yaralanıb. Bu hücum İraq daxilində geniş reaksiyalara səbəb olub və bu hökumət də Türkiyə ilə bağlı Təhlükəsizlik Şurasına şikayət edib.
Türkiyə terrorla mübarizə bəhanəsi ilə dəfələrlə Şimali İraqa hücum edib. Türkiyə təkcə son 7 ayda Dehuk, Ərbil, Süleymaniyyə, Mosul və Kərkük əyalətlərinə 281 hücum həyata keçirib. Hücumlar nəticəsində 2015-ci ildən bu yana Kürdüstan bölgəsində 138 dinc sakin həlak olub.
İraqın xarici işlər naziri Fuad Hüseyn Təhlükəsizlik Şurasının iclasında çıxış edərək Türkiyəni İraqdan çəkilməyə məcbur edən qətnamənin qəbul edilməsini xahiş edib. Lakin Türkiyənin xarici işlər naziri Mövlud Çavuşoğlu isə ölkəsinin İraq və Suriyanın suverenliyini pozduğunu müdafiə edərək, İraqın terrorçuları öz ərazisindən çıxara bilmədiyini və Türkiyənin bunu etdiyini iddia edib.
Bu tipli mövqelər Türkiyə ilə İraq arasındakı münasibətlərin gərginləşməkdə olduğunu göstərir.
Qeyd edək ki, Türkiyə ordusu “terrorla mübarizə” bəhanəsi ilə Şimali İraqda 30-dan çox polis məntəqəsi və nəzarət-buraxılış məntəqəsi inşa edib və bu ərazilərdən özünə təhlükəsizlik çətiri kimi istifadə edir.
Bu arada İraqda Türkiyənin hərəkətini pisləyən milli konsensusun formalaşdırılması Ankaraya təzyiqi artıra bilər, lakin təcrübə göstərir ki, Türkiyə zaman keçdikcə İraqın suverenliyini pozmağa davam edəcək. Bunun qarşısında Türkiyənin istehsal etdiyi mallara tətbiq edilən embarqonun davam etdirilməsi və iki ölkənin ticarət həcminin azalması, həmçinin Türkiyənin təhdidləri qarşısında Kürdüstan bölgəsinin öz siyasətlərini Bağdadla uyğunlaşdırması Türkiyə tərəfindən İraqın suverenliyinin pozulmasına mane ola bilər.
