Həbsdə yatan ilahiyyatçı Tale Bağırov Qobustan qapalı həbsxanasına köçürüləcək. Qaradağ Rayon Məhkəməsi 12 saylı Cəzaçəkmə Müəssisəsi rəisinin təqdimatı ilə belə qərar çıxarıb.
Vəkil Zaman Səmədov “Media forum”a bildirib ki, məhkəmə qərarı dekabrın 20-də qüvvəyə minir, ondan sonra məhbus Qobustana etap ediləcək.
Məhbusun qardaşı Elşən Bağırov deyib ki, bəlkə də Qobustan daha əlverişli variantdır: “Çünki 12 saylı Cəzaçəkmə Müəssisəsində Taleyə telefonla danışmaq imkanı vermirlər, yanına gedənləri görüşə buraxmırlar. Qobustanda heç olmasa 3 aydan bir görüş mümkün olar”.
Tale Bağırov 2013-cü il martın 31-də tutulub. Sabunçu Rayon Məhkəməsi onu qanunsuz narkotik vasitə saxlamada təqsirli bilərək 2 il müddətinə azadlıqdan məhrum edib. Bu il avqustun 13-də Taleh Bağırovdan mobil telefon tapıldığına görə məhkəmə cəza müddətinə 4 ay da əlavə edib.
Tale Bağırovun 2015-ci ilin avqust ayında həbsdən çıxmalıdır.
