Ağdam rayonundan məcburu köçkün olan, şəhid bacısı Elmira Qasımovanın onun övladını şikəst edən şirkətlə bağlı müraciət etmədiyi ünvan, döymədiyi qapı yoxdur. Dövlət qurumlarına göndərdiyi bütün məktublar cavabsız qalıb. 2 il ərzində topladığı sənədlər bütöv bir qovluğa sığmayan Elmira xanım oğlu və gənc qızı ilə birlikdə Bakı şəhəri, Müşfiqabad qəsəbəsi, Yeni Yaşayış Kompleksi, bina 7, mənzil 62 ünvanında yaşayır.
Dediyinə görə, “AN MEDİA” şirkətinin rəhbərliyi onun ailəsini gözüyaşlı qoyub. Şirkət rəhbərliyinin səhlənkarlığı nəticəsində 27 yaşlı oğlu şikəst olub, həyat yoldaşının dərddən ürəyi partlayıb.