Qeyd olunub ki, qəzaya uğrayan helikopterin gövdəsində güllə izlərinə rast gəlinməyib.
Vurğulanıb ki, helikopterin axtarışları duman, soyuq və çətin relyefə görə bütün gecə davam edib və qəza yerini İrana məxsus PUA aşkarlayıb.
Hesabatda bu məqamlar əksini tapıb:
– Helikopter planlaşdırılan marşrut üzrə hərəkətini davam etdirib və təyin olunmuş uçuş yolundan çıxmayıb;
– Helikopter qəzasından təxminən bir dəqiqə yarım əvvəl pilot uçuş qrupunun digər iki helikopteri ilə əlaqə saxlayıb;
– Qəzaya uğramış helikopterin qalan komponentlərində güllə izləri və ya oxşar hallar müşahidə olunmayıb;
– Qəzaya düşən helikopter dağa dəydikdən sonra alovlanıb;
– Ərazinin mürəkkəbliyi, duman və temperaturun aşağı olması səbəbindən kəşfiyyat əməliyyatı gecəyə qədər uzadılıb və gecə boyu davam etdirilib, bazar ertəsi səhər saat 5-də pilotsuz təyyarənin köməyi ilə qəzanın olduğu məkanın dəqiq yeri təyin olunub və o nöqtədə kəşfiyyat əməliyyatları aparılıb;
– Gözətçi qülləsinin uçuş heyəti ilə danışıqlarında heç bir şübhəli hal müşahidə edilməyib.
Hesabatda deyilir ki, helikopter qəzası ilə bağlı sənəd və sübutların əhəmiyyətli bir hissəsi toplanıb və onların araşdırılması üçün daha çox vaxt lazımdır.
